“Blueplanet Kite Beach” məkanına ilk dəfə gələn insanlar özlərini gündəlik həyatın səs-küyü və təlaşından uzaqlaşmış kimi hiss edəcəklər. Burada cəmi bir neçə saat vaxt keçirdikdən sonra bütün problemləri unudursan. İzdihamsız və dalğasız şəraitdə, sabit küləyin müşayiəti ilə kaytsörfinq otağınızın bir addımlığında sizi gözləyəcək.

​

Bakıdan şimalda – təxminən 50 dəqiqəlik məsafədə yerləşən bu məkan 4 km2-lik bir laqunu əhatələyən yarımadada qurulmuşdur. Laqunun adı isə yaxınlıqda yerləşən Şorabad adlanan kiçik qəsəbədən götürülüb. Kaytsörfinqlə məşğul olanlar buradakı şəraitin, demək olar, mükəmməl olduğunu təsdiqləyəcəklər. Bütün külək istiqamətləri üçün ideal olan laqunun sahilləri də təhlükəsiz eniş üçün yaxşı şəraitdədir. Maneəsiz külək və suyun dərinliyi kaytsörfinqə təzə başlayanlara özlərini sınamağa imkan verir. Buna baxmayaraq, sərbəst tərzdə məşq etmək istəyənlərə ehtiyatlı olmaq tövsiyə olunur. Ən əsası isə bu laqunda bir dənə də olsun daşa rast gəlməyəcəyiniz – sadəcə qum və bir az yosun.

​

Şərq və cənub şərq, başqa sözlə desək, Xəzər dənizindən yarımada istiqamətində əsən külək dalğasız, düz səth üzərində, Bofort şkalası üzrə 5 bal və daha sürətli küləyin müşayiəti ilə sörf etməyə imkan verir.

Açıq su hövzəsində suyun səviyyəsi mütəmadi dəyişir. Buna görə də, xilasedici qayığın olmamasını nəzərə alaraq, təhlükəsizlik məqsədilə yalnız sahilə yaxın ərazilərdə kaytsörfinqlə məşğul olmaq olar.

Şimal və şimal-şərq istiqamətində əsən külək sahildən 70 m aralı məsafədə 1-1,5 m dalğa yaradır. Açıq dənizə çıxmazdan əvvəl yerli komanda ilə məsləhətləşməyi unutmayın. Belə ki, burada yerləşən köhnə neft buruqlarına yaxın getmək tövsiyə olunmur.